կարևոր
870 դիտում, 1 տարի առաջ - 2020-07-22 17:27

Վահե Ղազարյանն ու Ռուստամ Բադասյանն այցելել են ոստիկանության կրթահամալիր

Վահե Ղազարյանն ու Ռուստամ Բադասյանն այցելել են ոստիկանության կրթահամալիր

Ոստիկանության պետ Վահե Ղազարյանն ու արդարադատության նախարար Ռուստամ Բադասյանը հուլիսի 22-ին այցելել են ոստիկանության կրթահամալիր։ Այս մասին հաղորդագրություն է տարածել ՀՀ ոստիկանությունը․

«Ոստիկանության պետի տեղակալ Տիգրան Եսայանի, կրթահամալիրի պետ Մուշեղ Բաբայանի և պրոֆեսորադասախոսական կազմի ուղեկցությամբ` Վահե Ղազարյանն ու Ռուստամ Բադասյանը ծանոթացան նոր ստեղծվելիք պարեկային ծառայությունում աշխատանքի անցնել ցանկացող քաղաքացիների դիմումների ընդունման գործընթացին։ Հյուրերը զրուցեցին դիմորդների հետ, ծանոթացան հակահամաճարակային անվտանգության կանոնների պահպանմանը։ Վահե Ղազարյանն ու Ռուստամ Բադասյանը շրջեցին կրթահամալիրի տարածքում, եղան հրաձգարանում, քննարկեցին պարեկային ծառայության ստեղծմանը վերաբերող հարցեր»,- ասված է հաղորդագրության մեջ։