կարևոր
1400 դիտում, 2 տարի առաջ - 2020-07-21 13:02

Ճապոնիան համավարակի պատճառով կոչ է արել հրաժարվել եւս 17 երկրներ ուղեւորություններից

Ճապոնիան համավարակի պատճառով կոչ է արել հրաժարվել եւս 17 երկրներ ուղեւորություններից

Ճապոնիայի իշխանություններն ընդլայնել են այն պետությունների ցանկը, ուր քաղաքացիներին խորհուրդ չի տրվում մեկնել կորոնավիրուսի համավակակի պատճառով՝ ցանկում ներառելով եւս 17 երկրներ: Այդ մասին հուլիսի 21-ին Տոկիոյում կայացած մամուլի ասուլիսում հայտարարել է արտաքին գործերի նախարար Տոսիմիցու Մոտեգին. գրում է ՏԱՍՍ-ը:

«Վտանգի երրորդ (չորսից) մակարդակ է տրվել 17 երկրների, դրանց ընդհանուր թիվը հասել է 146-ի»,- ասել է գերատեսչության ղեկավարը: Նրա խոսքով՝ պետությունների նոր ցանկում այլոց թվում ներառված են Ուզբեկստանը, Նեպալը եւ Վենեսուելան:

Ավելի վաղ Ճապոնիան արգելել է մոտքը 129 երկրների քաղաքացիներ համար, ներառյալ ԱՄՆ-ը, Եվրամիության եւ Հարավ - արեւելյան Ասիայի պետությունները, Չինաստանը, Հարավային Կորեան, Ռուսաստանը, Բելառրուսը, Ուկրաինան: Ըստ որում Ճապոնիան եւ Վիետնամն արդեն մասնակիորեն վերականգնել են ավիացիոն հաղորդակցությունը:

Մոտեգին նաեւ նշել Է, որ ուղեւորությունները վերսկսելու հարցը քննարկվում է Ավստրալիայի, Թաիլանդի եւ Նոր Զելանդիայի իշխանությունների հետ: Ճապոնիայում կորոնավիրուսով վարակվածների ընդհանուր թիվը, ներառյալ Diamond Princess ճամփորդանավի ուղեւորներն ու անձնակազմը, գերազանցել է 26,5 հազարը:

Մահացու վախճանների քանակը կազմում է 1 001: Ընդամենը երկրում առողջացել է շուրջ 20 հազար մարդ: Ըստ որում 47 հիվանդ մնում է ծանր վիճակում ինտենսիվ թերապիայի բաժանմունքներում: Համավարկն սկսվելուց ի վեր աշխարհում կորոնավիրուսով վարակվել է շուրջ 14,5 միլիոն մարդ, ավելի քան 606 հազարը մահացել է: