կարևոր
1551 դիտում, 2 տարի առաջ - 2020-07-19 16:07

Մայրաքաղաքի Նոր Նորք վարչական շրջանում ԲԸՏՄ-ն խախտումներ չի հայտնաբերել

Մայրաքաղաքի Նոր Նորք վարչական շրջանում ԲԸՏՄ-ն խախտումներ չի հայտնաբերել

ՀՀ բնապահպանության և ընդերքի տեսչական մարմինը հուլիսի 19-ին վերահսկել է, թե ինչպես են պահպանվում պարետատան կողմից սահմանված հակահամաճարակային նորմերը Երևան քաղաքի Նոր Նորք վարչական շրջանում։ Այս մասին հայտնում են ՀՀ կառավարւությունից։

«Վաղ առավոտյան Տեսչական մարմնի մասնագետների խումբն անակնկալ կրկնայց է կատարել Կենդանաբանական այգի․ պատկերը դրական է։ Այգու տոմսարկղում հերթը կանոնակարգվել է հատակի գծանշաններին համապատասխան, այցելուները ջերմաչափվել են, կատարվել են սանիտարահիգենիկ միջոցառումներ։ Տարածքում եղել են  պարտադիր դիմակ կրելու մասին ցուցատախտակներ։

Ժամանցը կազմակերպած քաղաքացիների կողմից պահպանվել է սոցիալական հեռավորություն, փոքրիկները ևս կրել են դիմակներ, մարդկային կուտակումներ չեն նկատվել։

 Տեսչական մարմնի տեսուչները բաժանել են դիմակներ, կոչ արել տանը պատրաստված դիմակները փոխարինել բժշկականներով, միաժամանակ հորդորել հետամուտ լինել համաճարակի տարածման կանխարգելման կանոններին։

ՀՀ ողջ տարածքում ԲԸՏՄ-ի և ՀՀ ոստիկանության կողմից կատարվող խստացված ստուգայցերը շարունակվում են նաև ոչ աշխատանքային օրերին»,-նշված է հայտարարությունում։