կարևոր
1717 դիտում, 1 տարի առաջ - 2020-07-19 10:13

Ավտոմեքենան ընկել է գնացքի վազորդի վրա․ կան տուժածներ

Ավտոմեքենան ընկել է գնացքի վազորդի վրա․ կան տուժածներ

Հուլիսի 18-ին` ժամը 20:45-ին, Ճգնաժամային կառավարման ազգային կենտրոն ահազանգ է ստացվել, որ Դսեղի կամրջի մոտ՝ ջրաղացների մոտակայքում, ավտոմեքենան դուրս է եկել ճանապարհի երթևեկելի հատվածից և ընկել «Հարավկովկասյան երկաթուղի» ՓԲԸ-ի վազորդի վրա։

Դեպքի վայր է մեկնել ԱԻՆ ՓԾ Լոռու մարզային փրկարարական վարչության հրշեջ-փրկարարական ջոկատից մեկ մարտական հաշվարկ և օպերատիվ խումբը։

Պարզվել է, որ Վանաձոր-Ալավերդի ավտոճանապարհի 29-րդ կմ-ին «BMW» մակնիշի ավտոմեքենան (վարորդ՝ Արտյոմ Հ․, ծնված 1987 թ․) դուրս է եկել ճանապարհի երթևեկելի հատվածից և մոտ 10 մ բարձրությունից ընկել գնացքի վազորդի վրա, ինչի հետևանքով վարորդը և ուղևորը (Նարեկ Հ․, ծնված 1990 թ․) տեղի ուժերով դուրս են բերվել ավտոմեքենայից և տեղափոխվել Վանաձորի ԲԿ, որտեղ բժիշկները տուժածների առողջական վիճակը գնահատել են բավարար։

Փրկարարները հատուկ տեխնիկայի միջոցով հեռացրել են ավտոմեքենան գնացքի վազորդի վրայից: