կարևոր
1237 դիտում, 2 տարի առաջ - 2020-07-17 12:10

Վիրավոր զինծառայողներից 5-ի վիճակը բարդ է, մեկինը՝ ծայրահեղ ծանր

Վիրավոր զինծառայողներից 5-ի վիճակը բարդ է, մեկինը՝ ծայրահեղ ծանր

Հայ-ադրբեջանական սահմանին Ադրբեջանի սանձազերծած գործողությունների արդյունքում վիրավորում ստացած զինծառայողներից հինգի վիճակը բարդ է, մեկինը՝ ծայրահեղ ծանր: Այս մասին ասուլիսում հայտնեց Ճգնաժամային տեղեկատվական կենտրոնի պաշտոնական ներկայացուցիչ Արծրուն Հովհաննիսյանը՝ անդրադառնալով Քննչական կոմիտեի հրապարակած տվյալներին, ըստ որի սահմանին Ադրբեջանի գործողությունների հետևանքով վիրավորվել է 36 զինծառայող:

«Վիրավորվելու 36 դեպք ընդհանրապես է եղել, որոնցից մեծ մասի համար բժշկական միջամտության անհրաժեշտ չի եղել: Զինվորներն արագ վերադարձել են շարք: 20 զինծառայողի քիչ թե շատ բժշկական օգնություն է ցույց տրվել, որից  10-ը շարունակում են բուժվել: 10-ից 5-ի վիճակը բարդ է, մեկինը՝ ծայրահեղ ծանր»,-ասաց Հովհաննիսյանը: