կարևոր
897 դիտում, 1 տարի առաջ - 2020-07-16 22:31

Արցախի և ՀՀ այլ սահմանագոտիների ուղղությամբ իրավիճակը շարունակում է մնալ հանգիստ

Արցախի և ՀՀ այլ սահմանագոտիների ուղղությամբ իրավիճակը շարունակում է մնալ հանգիստ

Արցախի Հանրապետության և Հայաստանի Հանրապետության այլ սահմանագոտիների ուղղությամբ ըստ էության իրավիճակը շարունակում է մնալ հանգիստ: Այս մասին ասուլիսում հայտնեց Ճգնաժամային տեղեկատվական կենտրոնի պաշտոնական ներկայացուցիչ Արծրուն Հովհաննիսյանը:

«Արցախի Հանրապետության և Հայաստանի Հանրապետության այլ սահմանագոտիների ուղղությամբ ըստ էության իրավիճակը շարունակում է մնալ հանգիստ: Իրավիճակի որևէ շեշտակի փոփոխություն չկա»,-ասաց Հովհաննիսյանը:

Գիշերը ժամը 03:40-ի սահմաններում ՀՀ ԶՈՒ դիրքապահները նկատել էին հակառակորդի շարժ։ Անցնելով շրջանաձև պաշտպանության, հայկական ստորաբաժանումները կանխել են հակառակորդի դիվերսիոն ներթափանցման փորձը։ Թեժ մարտից հետո հակառակորդը, կորուստներ կրելով, հետ էր շպրտվել։

Հուլիսի 16-ի վաղ առավոտյան Ադրբեջանի կողմից վերսկսվել էին Տավուշի սահմանամերձ գյուղերի ուղղությամբ հակառակորդի հրետակոծությունները։ Հիմնական թիրախ են եղել Այգեպար, Ներքին Կարմիրաղբյուր, Չինարի, Մովսես, Տավուշ գյուղերը և Բերդ քաղաքը։ Ադրբեջանի մարտական անօդաչուի հարվածից հուլիսի 16-ին վիրավորվել է Չինարի գյուղի մի բնակիչ: