372 դիտում, 2020.07.15 21:28

ԼՂ հակամարտության լուծումը բանակցությունների միջոցով չունի այլընտրանք. Վայլեր

ԼՂ հակամարտության լուծումը բանակցությունների միջոցով չունի այլընտրանք. Վայլեր

ԳԴՀ Բունդեսթագի պատգամավոր (ՔԴՄ), Գերմանիա-Հարավային Կովկաս խորհրդարանական բարեկամության խմբի փոխնախագահ Ալբերտ Վայլերը հայտարարություն է արել հայ-ադրբեջանական սահմանին ռազմական էսկալացիայի կապակցությամբ։

ԳԴՀ Բունդեսթագի պատգամավորն իր խորը մտահոգությունն է հայտնել հայ-ադրբեջանական պետական սահմանին ռազմական էսկալացիայի վերջին դեպքերի առնչությամբ, որոնց հետևանքով զինծառայողներ են մահացել և վիրավորվել:

Որպես խորհրդարանական բարեկամության խմբի փոխնախագահ՝ Ալբերտ Վայլերը կոչ է արել կողմերին խստագույնս հարգել և պահպանել զինադադարը: «Այս հակամարտությունը չի կարող ունենալ ռազմական լուծում. ԵԱՀԿ Մինսկի խմբի համանախագահների ձևաչափի շրջանակներում քաղաքական բանակցությունները չունեն այլընտրանք: Մենք շարունակելու ենք սատարել խաղաղ երկխոսության այս ձևաչափը: Հակամարտության բոլոր կողմերի համար պետք է միանշանակ լինի փոխզիջման պատրաստակամությունը և խաղաղ կարգավորումը: Իմ զորակցությունն եմ հայտնում զոհերի ընտանիքներին և մերձավորներին»,- ասված է հայտարարության մեջ։

կիսվել նյութով -