494 դիտում, 2020.07.14 15:48

Իրանում պաշտպանության նախարարության նախկին աշխատակցին մահապատժի են ենթարկել

Իրանում պաշտպանության նախարարության նախկին աշխատակցին մահապատժի են ենթարկել

Իրանում Կենտրոնական հետախուզական վարչության հետ համագործակցության մեղադրանքով մահապատժի է ենթարկվել երկրի պաշտպանության նախարարության նախկին աշխատակից Ռեզա Ասղարին: Այդ մասին հուլիսի 14-ին հայտնել է Իրանի արդարադատության նախարարության ներկայացուցիչ Ղոլյամհոսեյն Էսմայիլին. գրում է «Ինտերֆաքս»-ը:

Նա նշել է, որ դատավճիռն ի կատար է ածվել անցած շաբաթ:

Նրա խոսքով, որը մեջբերում է իրանական «Միզան» լրատվական պորտալը, Ասղարին ԿՀՎ-ի հետ կապված է եղել Իրանի պաշտպանության նախարարությունում աշխատելու վերջին տարիներին, որտեղից նա հեռացվել էր չորս տարի առաջ:

Էսմայիլին ընդգծել է, որ Ասղանին, մասնավորապես, ԿՀՎ-ին հաղորդել է Իրանի հրթիռային ծրագրի վերաբերյալ տվյալները: Էսմայիլին հավելել է, որ մահապատժի ի կատար ածման է սպասում նաեւ Մահմուդ Մուսավի-Մաջդը, որը մեղադրվել է ամերիկյան եւ իսրայելական հետախուզությունների հետ համագործակցության մեջ: Անցյալ տարի Թեհրանում հայտնել Էին 17 մարդկանց մերկացման մասին, որոնք աշխատել էին ԿՀՎ-ի օգտին:

կիսվել նյութով -