1774 դիտում, 2020.07.14 15:34

Հակառակորդի կրակից զոհված զինծառայողներից մեկը մայոր Գարուշ Համբարձումյանն է

Հակառակորդի կրակից զոհված զինծառայողներից մեկը մայոր Գարուշ Համբարձումյանն է

Ադրբեջանական կողմի կրակից այսօր Տավուշում զոհված երկու զինծառայողներից մեկը Գարուշ Համբարձումյանն է։

Դեռևս 2016 թվականին ՀՀ պաշտպանության նախարարության ֆեյսբուքյան պաշտոնական էջում նա ներկայացված էր որպես ՀՀ զինված ուժերի լավագույն սպաներից ու հրամանատարներից մեկը։

«Կապիտան Գարուշ Համբարձումյանը ավարտել է ՀՀ ՊՆ Վ. Սարգսյանի անվան ռազմական համալսարանը: Ստացել է սակրավորի մասնագիտություն և լեյտենանտի զինվորական կոչում ու նշանակվել ՀՀ ՊՆ N զորամասի ինժեներասակրավորային դասակի հրամանատար:

Իսկ 2015թ.-ին նշանակվել է ՀՀ ՊՆ N զորամասի ինժեներասակրավորային վաշտի հրամանատար:

Գարուշ Համբարձումյանը անձնակազմի նկատմամբ խստապահանջ է, օժտված կազմակերպչական ունակութուններով: Սիրելով իր մասնագիտությունը, նա ամենօրյա քրտնաջան աշխատանքի շնորհիվ ձեռք է բերել բավարար գիտելիքների պաշար հավուր պատշաճի իրականացնելու իր ծառայողական պարտականությունները:

Բազմիցս խրախուսվել է հրամանատարության կողմից»,-ասված է նախարարության՝ 2016 թվականի հրապարակման մեջ:

կիսվել նյութով -