ուղիղ եթեր փակել
Այս պահին Երևանում
+30°
ощущаетվя как +29°C
քիչ ամպամածություն
3 մ/վ քամու ուժգնություն
6
01.07.2022
USD 407.95 +0.74
GBP 491.82 -0.99
EUR 426.35 +2.81
GEL 140.19 +1.14
RUB 7.46 -0.29

Վերջին ավելացված հաղորդումներ

Ամենադիտվածներ

կարևոր
1329 դիտում, 1 տարի առաջ - 2020-07-10 19:08

ԱՄՆ Ներկայացուցիչների պալատի հանձնաժողովն աջակցում է Արցախի ականազերծման ծրագրի ֆինանսավորմանը

ԱՄՆ Ներկայացուցիչների պալատի հանձնաժողովն աջակցում է Արցախի ականազերծման ծրագրի ֆինանսավորմանը

Ներկայացուցիչների պալատի առանցքային հանձնաժողովը հաստատել է փաստաթուղթ` կոչ անելով շարունակել USAID –ի (ԱՄՆ Միջազգային զարգացման գործակալություն) կողմից Արցախում իրականացվող մարդասիրական ականազերծման ծրագրի ֆինանսավորումը՝ 2021 թվականի ֆինանսական տարվա արտասահմանյան օգնության օրինագծի շրջանակում: Այս մասին հայտնում է Ամերիկայի Հայ դատի հանձնախումբը (ANCA):

«Մենք, անշուշտ, ողջունում ենք այս զեկույցը ՝ որպես ճիշտ ուղղությամբ արված քայլ: Այնուամենայնիվ, հաշվի առնելով այս վարչակազմի կողմից վճռական հարձակումը Արցախի ականազերծման ծրագրի նկատմամբ, պարզ է, որ կոնգրեսը, հիմնվելով արտասահմանյան օգնության հիմքում ընկած օրինագծի վրա, պետք է ավելին անի՝ ապահովելու ԱՄՆ-ի շարունակական աջակցությունը Արցախում ականազերծման ծրագրին»,- ասել է Ամերիկայի Հայ դատի հանձնախմբի գործադիր տնօրեն Արամ Համբարյանը:

Այսպիսով, հանձնաժողովն առաջարկել է նախորդ տարիներին համահունչ ֆինանսավորում հատկացնել ԱՄՆ ՄԶԳ «Մարդասիրական ականազերծում» ծրագրի համար: USAID-ի կողմից ֆինանսավորվող ականազերծման ծրագիրը իրականացվում է Արցախում, որտեղ HALO Trust-ը հաջողությամբ հեռացրել է ավելի քան 61 հազար ական և մաքրել մոտ 62 հազար ակր տարածք ՝ ապահովելով ավելի անվտանգ ապագա Արցախի բնակչության ավելի քան 80 տոկոսի համար:

Արտասահմանյան օգնության օրինագիծը և դրան կից զեկույցը հատկացումների հանձնաժողովում ընդունվել է 29-ից 21 կողմ ձայներով, և նախատեսվում է, որ շուտով այն կքննարկվի Ներկայացուցիչների պալատի լիագումար նիստում: Իսկ Սենատի հատկացումների հանձնաժողովն առաջիկա շաբաթվա ընթացքում կդիտարկի արտասահմանյան օգնության օրինագծի իր տարբերակը:

բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS