Սերբիայի մայրաքաղաք Բելգրադում երեկ երեկոյան կրկին բողոքի ցույցեր էին: Սակայն ի տարբերություն նախորդ երկու գիշերների՝ այս անգամ ակցիան խաղաղ էր, բախումներ չեն գրանցվել:
Այս բողոքի պատճառը առաջիկա հանգստյան օրերին պարետային ժամ սահմանելու կառավարության ծրագրերն էին՝ կորոնավիրուսի հետագա տարածումը կանխելու համար: Սակայն բազմահազարանոց ցույցերից հետո՝ իշխանությունները տեղի են տվել: Պարետային ժամի փոխարեն՝ կկրճատվեն սրճարանների եւ խանութների աշխատանքային ժամերը: