310 դիտում, 2020.07.08 16:12

Ուկրաինան դուրս է եկել ԱՊՀ ֆինանսական հետախուզության վերաբերյալ համաձայնագրից

Ուկրաինան դուրս է եկել ԱՊՀ ֆինանսական հետախուզության վերաբերյալ համաձայնագրից

Ուկրաինան դուրս է եկել ԱՊՀ անդամ երկրների ֆինանսական հետախուզական ստորաբաժանումների ղեկավարների խորհրդի ստեղծման մասին համաձայնագրից։ Համապատասխան հրամանագիրը ստորագրել է երկրի նախագահ Վլադիմիր Զելենսկին։ Այս մասին հայտնում է Strana.ua-ը:

Զելենսկին հանձնարարել է Արտաքին գործերի նախարարությանը տեղեկացնել ԱՊՀ գործադիր կոմիտեին՝ Ուկրաինայի դուրս գալու մասին:

Հրամանագրի տեքստում նշվում է, որ ֆինանսական հետախուզության վերաբերյալ համաձայնագիրը ձեռք է բերվել 2012 թվականի դեկտեմբերի 5-ին Աշխաբադում:

2019-ի նոյեմբերին Ուկրաինան դադարեցրել էր իր մասնակցությունը ԱՊՀ «կազմակերպության անդամ երկրների գործարար կազմակերպությունների միջև կարգավորումները բարելավելու մասին» համաձայնագրից։

2014-ի հունվարից մինչև 2019-ի հուլիսը Ուկրաինան դուրս է եկել ԱՊՀ 19 պայմանագրերից: Դրանց թվում են «ԽՍՀՄ-ում ստեղծված գյուտերի օրինական պաշտպանության ոլորտում միջպետական գաղտնիքների պահպանության ապահովման մասին» և «ԱՊՀ-ի հետ սպառազինությունների ստանդարտացման մասին» համաձայնագրերը:

կիսվել նյութով -