282 դիտում, 2020.07.08 12:16

Դիմակ չդնելու տուգանքների խստացման նախագիծն այս պահին ընդհանրապես շրջանառությունից հանված է. Սիսակ Գաբրիելյան

Դիմակ չդնելու տուգանքների խստացման նախագիծն այս պահին ընդհանրապես շրջանառությունից հանված է. Սիսակ Գաբրիելյան

Վարչական իրավախախտումների վերաբերյալ նախագիծը ընդհանրապես չի՞ գալու Ազգային ժողով, թե որոշակի փոփոխությունների ենթարկվելուց հետո վերադառնալու է, այսինք` մենք ունենալո՞ւ ենք տուգանքների այդուհանդերձ ավելացված չափ: Այս մասին այսօր արտահերթ նիստին հարցրեց «Բարգավաճ Հայաստան» խմբակցության պատգամավոր Նաիրա Զոհրաբյանը՝ դիմելով «Իմ քայլը» խմբակցության պատգամավոր Սիսակ Գաբրիելյանին, որը ներկայացնում էր արտահերթ նիստի օրակարգը:

Նաիրա Զոհրաբյանը հիշեցրեց, որ նախագծով նախատեսվում էր դիմակ չդնելու դեպքում տուգանքը դարձնել բաց տարածքներում 20 հազար դրամ, իսկ փակ տարածքներում՝ 50 հազար դրամ: Սիսակ Գաբրիելյանը պատասխանեց, որ նախագիծն ընդհանրապես շրջանառությունից այս պահին հանված է: «Իսկ կգա, թե չի գա, ոչ ես, ոչ Դուք, ոչ որևէ մեկը չի կարող սահմանափակել պատգամավորների սահամանդրական իրավունքը` ներկայացնելու օրենսդրական նախաձեռնություն: Հետևաբար ես չեմ կարող բացառել, որ ձեր խմբակցությունից որևէ մեկը վաղը կառաջարկի դիմակների տուգանքը 150 հազար դարձնել»,-ասաց նա:

Սիսակ Գաբրիելյանը նշեց նաև, որ դիմակների տուգանքների չափի հետ կապված կան տարբեր քննարկումներ, և մի մասը օրինակ է բերում Վրաստանը, որը հարյուր հազարից էլ ավելի է, իսկ մի մասը նշում է, որ այդպիսի մեթոդների պետք չէ գնալ: «Բայց մեր խմբակցությունը հայտարարել է, որ նպատակահարմար չի գտել այս փուլում դա բերելու, շրջանառությունից հանված է, բայց ես չեմ կարող բացառել որևէ մեկի փոխարեն, որ նման նախագիծ կարող է բերվել»,-ասաց նա:

կիսվել նյութով -