Հինգերորդ զորամիավորման հակաօդային պաշտպանության ստորաբաժանումների զինծառայողները հուլիսի 3-ին դաշտային պայմաններում անցկացրել են մասնագիտական վարժանքներ: Այս մասին հայտնում են ՀՀ պաշտպանության նախարարության տեղեկատվության և հասարակայնության հետ կապերի վարչությունից:
Ստուգվել են հակաօդային պաշտպանության հրամանատարական կետերի անձնակազմերի մասնագիտական գիտելիքները, ըստ իրադրության՝ տրվել են ներմուծականներ: Զինծառայողները ցուցաբերել են բարձր պատրաստվածություն, գերազանց կատարել առաջադրված խնդիրները: