714 դիտում, 2020.07.03 14:38

ՍԴ դատավոր Հրանտ Նազարյանին ոստիկանները թույլ չեն տվել մտնել աշխատավայր

ՍԴ դատավոր Հրանտ Նազարյանին ոստիկանները թույլ չեն տվել մտնել աշխատավայր

Այսօր՝ առավոտյան, ոստիկանները թույլ չեն տվել Սահմանադրական դատարանի դատավոր Հրանտ Նազարյանին մուտք գործել բարձր դատարանի շենք: Լուրը «Երկիրն այսօր»-ի հետ զրույցում հաստատել է ՍԴ աշխատակազմի ղեկավար Էդգար Ղազարյանը:

Հատկանշական է, որ ի տարբերություն նախորդ օրերի՝ ՍԴ -ի շենքում հերթապահել են բարձրաստիճան սպաներ:

Հիշեցնենք, որ Սահմանադրական դատարանի մասին օրենքում երեք դատավորի՝ Հրանտ Նազարյանի, Ֆելիքս Թոխյանի եւ Ալվինա Գյուլումյանի պաշտոնավորումը դադարեցնող փոփոխությունները դեռ ուժի մեջ չեն մտել. դրանք ոչ Հանրապետության նախագահն է ստորագրել, ոչ էլ ԱԺ նախագահն է հրապարակել, բացի այդ դեռ չեն կազմվել ու հաստատվել նաեւ երեք դատավորի լիազորությունների դադարեցման մասին անհատական արձանագրությունները, հետեւաբար՝ այդ դատավորների պաշտոնավարումն ավարտված չէ:

Մեր նկարահանող խումբը տեղում՝ բարձր դատարանում ծառայություն իրականացնող ոստիկաններից փորձել է ճշտել, թե ինչ հիմքով են խոչընդոտել դատավոր Նազարյանի մուտքը՝ շենք: Ոստիկանները նշել են, որ անհարժեշտ մեկնաբանությունը կարող է տալ Ոստիկանության լրատվականը: Այստեղից էլ հայտնել են, որ դեպքի մասին մանրամասներ կներկայացնեն ավելի ուշ:

կիսվել նյութով -