կարևոր
1065 դիտում, 1 տարի առաջ - 2020-06-30 23:05

45-ամյա բնակչին «Մերսեդեսով» բերման են ենթարկել. մեքենայում թմրամիջոց է հայտնաբերվել

Ոստիկանության Մաշտոցի բաժնի ծառայողները տեղեկություններ էին ստացել, որ Միրաքյան փողոցի 45-ամյա մի բնակիչ թմրամիջոց է ապօրինի պահում եւ օգտագործում:

Ձեռք բերված տեղեկությունների իսկությունը ստուգելուց հետո հունիսի 29-ին, ժամը 22.30-ի սահմաններում, կասկածվողը Հասրաթյան փողոցից, իր «Մերսեդես» մակնիշի մեքենայով հանդերձ, բերման ենթարկվեց ոստիկանության Մաշտոցի բաժին:

Մեքենայի սրահից հայտնաբերվել է յուրահատուկ հոտով դեղնականաչավուն բուսական զանգված:

Ըստ բերման ենթարկվածի` հայտնաբերվածը թմրանյութ է, պատկանում է իրեն եւ իր օգտագործման համար է:

Հանգամանքները պարզվում են: Նշանակվել է դատաքիմիական փորձաքննություն: Փաստի առթիվ նախապատրաստվում են նյութեր: