կարևոր
985 դիտում, 1 տարի առաջ - 2020-06-30 14:10

Քոչարյանի գործով դատական նիստն ընմիջվեց․ դատարանը փորձում է անվտանգ պայմաններ ստեղծել

Քոչարյանի գործով դատական նիստն ընմիջվեց․ դատարանը փորձում է անվտանգ պայմաններ ստեղծել

Երևանի ընդհանուր իրավասության դատարանը՝ նախագահությամբ դատավոր Աննա Դանիբեկյանի, ընդմիջեց ՀՀ երկրորդ նախագահ Ռոբերտ Քոչարյանի և մյուսների գործով դատական նիստը։

2008-ին ՀՀ պաշտպանության նախարարի նախկին տեղակալ Յուրի Խաչատուրովի պաշտպան Միհրան Պողոսյանը չի զբաղեցրել իր տեղը՝ տեղեկացնելով, որ շփվել է Covid-19-ով վարակակիր անձի հետ և պատրաստվում է թեստավորվել։

Պաշտպանական կողմը կրկին խնդրեց ապահովել հակահամաճարակային անհրաժեշտ պայմանները՝ հատկապես նիստերի դահլիճում դատավարության մասնակիցների միջև սոցիալական հեռավորությունը պահպանելու տեսանկյունից։ Պարզվեց նաև, որ նիստերի դահլիճը վերջին անգամ ախտահանվել է կիրակի օրը։ Դրանից հետո դրա հնարավորությունը չի եղել։

Դատարանն ընդմիջում հայտարարեց` պարզելու համար, թե հնարավոր կլինի՞ շարունակել նիստը` կապված տեխնիկական հարցերի հետ: