կարևոր
1450 դիտում, 1 տարի առաջ - 2020-06-28 18:40

«Աշխարհի երեխաները բարեկամներ են» միջազգային առցանց մրցույթում Հայաստանի մասնակիցն առաջինն է

«Աշխարհի երեխաները բարեկամներ են» միջազգային առցանց մրցույթում Հայաստանի մասնակիցն առաջինն է

Բելառուսի Հանրապետությունում անցկացված «Աշխարհի երեխաները բարեկամներ են» խորագրով մանկական նկարի 7-րդ միջազգային առցանց մրցույթի 14-16  տարեկանների խմբում Հայաստանը ներկայացրած մասնակիցը՝  Անժելա Պապիկյանը, գրավել է առաջին հորիզոնականը: Նա Գյումրու «Ընտանիք» մանկապատանեկան ստեղծագործության կենտրոնի մանրանկարչության խմբակի սան է. այն ղեկավարում է մանրանկարիչ Վարդևար Շամամյանը: Այս մասին հայտնել է կենտրոնի գեղարվեստական մասի վարիչ Աննման Մինասյանը:

 «Մրցույթին մասնակցելու համար հատուկ հրվեր էինք  ստացել, ու, Անժելայից բացի, ևս 14 սան՝ կիրառական արվեստի տարբեր ճյուղեր ներկայացնող, մասնակցել են այդ մրցույթին, բայց լավագույնը ճանաչվել է Անժելայի աշխատանքը»,- նշել է Աննման Մինասյանը:

Մրցույթին մասնակցել են աշխարհի 27 երկրների 4500 պատանի նկարիչներ։ Մրցույթի ցուցահանդեսի հանդիսավոր բացումը տեղի է ունեցել հունիսի 1-ին՝ Բելառուսի Հանրապետության Գեղարվեստի ազգային թանգարանում: