կարևոր
1123 դիտում, 1 տարի առաջ - 2020-06-28 18:01

Տեսչական մարմնի աշխատակիցները Հրազդանում սոցիալական հեռավորություն չպահպանելու դեպքեր են արձանագրել

Տեսչական մարմնի աշխատակիցները Հրազդանում սոցիալական հեռավորություն չպահպանելու դեպքեր են արձանագրել

Բնապահպանության և ընդերքի տեսչական մարմնը ՀՀ ոստիկանության հետ համատեղ այսօր հերթական մշտադիտարկումն իրականացրել է ՀՀ Կոտայքի մարզի Հրազդան քաղաքում:

Պուրակներում, հրապարակներում, հուշարձանների հարակից տարածքներում կատարված շրջայցերի ընթացքում Տեսչական մարմնի աշխատակիցներն արձանագրել են սոցիալական հեռավորություն չպահպանելու դեպքեր:

Հիմնականում ավագ սերնդի ներկայացուցիչները զրուցել են խմբված՝ չպահպանելով անհրաժեշտ սոցիալական հեռավորությունը: Հրազդան քաղաքում դիմակները սխալ կրող, կուտակումներ առաջացնող քաղաքացիները նախազգուշացվել են: