կարևոր
822 դիտում, 1 տարի առաջ - 2020-06-27 18:27

Սերբիայում կորոնավիրուսի 227 նոր դեպք է հաստատվել

Սերբիայում կորոնավիրուսի 227 նոր դեպք է հաստատվել

Սերբիայում կորոնավիրուսով վարակվածների թիվը հասել է 13 հազար 792-ի: Այս մասին հայտնում է «ՌԻԱ Նովոստին», վկայակոչելով երկրի Առողջապահության նախարարությանը:

Սերբիայում վերջին 24-ժամվա ընթացքում արձանագրվել է կորոնավիրուսի հաստատման 227 նոր դեպք: Երկրում կորոնավիրուսից մահացել է 2 անձ, մահվան ընդհանուր դեպքերի թիվը 267 է:

Կորոնավիրուսով վարակված է նաև Սերբիայի պաշտպանության նախարար Ալեքսանդր Վուլինը: Նա ինքնամեկուսացվել է:         

Առողջապահության համաշխարհային կազմակերպությունը մարտի 11-ին հայտնել էր նոր կորոնավիրուսային վարակի՝ COVID-19-ի բռնկման մասին: ԱՀԿ-ի վերջին տվյալներով` աշխարհում արձանագրվել է վարակի ավելի քան  9 մլն դեպք:  Մահացածների թիվն անցել է 400 հազարից, իսկ վարակ արձանագրած երկրների և տարածքների թիվը հասել է 215-ի:

Հայաստանում հունիսի 27-ի ժամը 11:00-ի դրությամբ հաստատվել է կորոնավիրուսային հիվանդության 662 նոր դեպք, ապաքինվել է  762 մարդ: