կարևոր
1168 դիտում, 2 տարի առաջ - 2020-06-27 17:27

Բռնցքամարտիկները մարզում են անցկացրել Ծաղկաձորում

Բռնցքամարտիկները մարզում են անցկացրել Ծաղկաձորում

Հայաստանի բռնցքամարտի հավաքականը մարզում է անցկացրել Ծաղկաձորի մարզաբազայում:

Թե՛ օլիմպիական վարկանիշային մրցաշարերի, թե՛ մյուս միջազգային ստուգատեսների օրացուցային պլանում դեռ անորոշություն է: Կորոնավիրուսով պայմանավորված` անհատական պարապմունքներին զուգահեռ յուրաքանչյուր շաբաթ ֆեդերացիան նախաձեռնում է նաև թիմային մարզումներ:

 Հավաքականի մարզիչ Ռաֆայել Մեհրաբյանը ֆեդերացաիայի լրատվական բաժնին տված հարցազրույցում նշել է, որ մրցումային օրացուցային նոր պլանը հայտնի դառնալուն պես կփոխեն մարզումային գրաֆիկը, բացի այդ մարզիկների համար կկազմակերպվեն նաև ուսումնամարզական հավաքներ: Մարզիչը նաև նշել է, որ եթե անգամ այսօր հայտարարեն, որ երկու ամսից մրցումներ են, նրանք կարող են լավ պատրաստվել, քանի որ տղաները արդեն իսկ ունեն որոշակի մարզվածության բազա: Մեհրաբյանի խոսքով դեռ առնվազն 4-5 բռնցքամարտիկ հնարավորություն ունի նվաճել օլիմպիական ուղեգիր: