կարևոր
1166 դիտում, 2 տարի առաջ - 2020-06-27 17:15

Շիրակի մարզում հանրային տրանսպորտում հակամահաճարակային կանոնների խախտման դեպքեր են արձանագրվել

Շիրակի մարզում հանրային տրանսպորտում հակամահաճարակային կանոնների խախտման դեպքեր են արձանագրվել

ՀՀ քաղաքաշինության, տեխնիկական և հրդեհային անվտանգության տեսչական մարմնի Շիրակի տարածքային բաժնի մասնագետները մարզում հանրային տրանսպորտում հակահամաճարակային կանոնների խախտման դեպքեր են արձանագրել: Այս մասին հաղորդագրություն է տարածել ՀՀ կառավարությունը:

ՀՀ պարետի որոշումներով սահմանված անվտանգության կանոնների պահպանմանը հետևելու և համավարակի հետագա տարածումը կանխարգելելու նպատակով՝ հունիսի 27-ին ՀՀ քաղաքաշինության, տեխնիկական և հրդեհային անվտանգության տեսչական մարմնի Շիրակի տարածքային բաժնի մասնագետները  ՀՀ ոստիկանության ստորաբաժանումների աշխատակիցների հետ համատեղ մշտադիտարկումներ և վերահսկողական գործառույթներ են իրականացվել ՀՀ Շիրակի մարզի ամբողջ տարաքում, այդ թվում՝ Գյումրի քաղաքում: 

Հանրային տրանսպորտի նկատմամբ իրականացված լայնածաված վերահսկողության, մշտադիտարկումների արդյունքում Տեսչական մարմնի մասնագետների կողմից հայտնաբերվել են տարաբնույթ խախտումներ և թերություններ:

Մասնավորպես՝ միջմարզային և ներմարզային երթուղիները սպասարկող երթուղիներում հայտնաբերվել են մի քանի տրանսպորտային միջոցներ, որտեղ առկա ալկոհոլային հիմքով ախտահանիչ հեղուկներն եղել են ոչ պատշաճ որակի և տեղում իրականացված բացատրական աշխատանքների արդյունքում վարորդների կողմից թերություններն անմիջապես շտկվել են։ Նշված տրանսպորտային միջոցներում այլ բնույթի խախտումներ չեն հայտնաբերվել։ 

Մարդատար-տաքսի ավտոմոբիլներով ուղևորափոխադրումներ իրականացնող տրանսպորտային միջոցներում, ինչպես մնացած բոլոր դեպքերում, Շիրակի մարզում ևս գերակշռող խախտումը դիմացի նստատեղին՝ վարորդի կողքին, ուղևորի նստեցմամբ փոխադրում կատարելու դեպքերն են, ինչպես նաև հայտնաբերվել են վարորդներ, որոնք չեն կրել դիմակ։ Արձանագրված տվյալ խախտումների հիմքով կազմվել են համապատասխան արձանագրություններ, իսկ մնացած թերությունների դեպքում տրվել են պարտադիր կատարման ցուցումներ: 

Տեսչական մարմնի աշխատակիցները վերահսկողությանը զուգահեռ, հանրային տրանսպորտում անվտանգության կանոների պահպանման նպատակով, վարորդների և ուղևորների շրջանում իրականացնում են ակտիվ իրազեկման և բացատրական աշխատանքներ: