կարևոր
1736 դիտում, 2 տարի առաջ - 2020-06-27 15:12

Կորոնավիրուսով վարակվածների թիվն Աֆրիկայում գերազանցել է 350 հազարը

Կորոնավիրուսով վարակվածների թիվն Աֆրիկայում գերազանցել է 350 հազարը

 Նոր տիպի կորոնավիրուսային վարակի հաստատված դեպքերի թիվն Աֆրիկայում գերազանցել է 350 հազարը: Ավելի քան 9 հազար մարդ մահացել է: Այս մասին հայտնել է Առողջապահության համաշխարհային կազմակերպության տարածաշրջանային ներկայացուցչությունը. գրում է «ՌԻԱ Նովոստի»-ն:

ԱՀԿ-ի տվյալներով՝ կորոնավիրուսի տարածման ամբողջ ընթացքում Աֆրիկայում ընդհանուր առմամբ վարակվել է 356 442 մարդ: Վարակվածներից 9156-ը մահացել է:

Դեպքերի ամենամեծ թիվը գրանցվել է Հարավաֆրիկյան Հանրապետությունում (124 590) և Եգիպտոսում (61 130): Մահացության մեծ թիվ է գրանցվել Եգիպտոսում (2533), Հարավաֆրիկյան Հանրապետությունում (2340) և Ալժիրում (885):

Առողջապահության համաշխարհային կազմակերպությունը մարտի 11-ին հայտնել էր նոր կորոնավիրուսային վարակի՝ COVID-19-ի բռնկման մասին: ԱՀԿ-ի վերջին տվյալներով` աշխարհում արձանագրվել է վարակի ավելի քան  9 մլն դեպք:  Մահացածների թիվն անցել է 400 հազարից, իսկ վարակ արձանագրած երկրների և տարածքների թիվը հասել է 215-ի:

Հայաստանում հունիսի 27-ի ժամը 11:00-ի դրությամբ հաստատվել է կորոնավիրուսային հիվանդության 662 նոր դեպք, ապաքինվել է  762 մարդ: