կարևոր
1656 դիտում, 2 տարի առաջ - 2020-06-25 22:14

ԲԴԽ-ն քննել է դատավոր Ալեքսանդր Ազարյանի նկատմամբ կարգապահական վարույթ հարուցելու միջնորդությունը. (ՏԵՍԱՆՅՈւԹ)

Բարձրագույն դատական խորհուրդը 2 նիստի ընթացքում քննել է Վերաքննիչ քրեական դատարանի դատավոր Ալեքսանդր Ազարյանի նկատմամբ կարգապահական վարույթ հարուցելու մասին միջնորդությունը: Այն խորհրդին էր ներկայացրել Արդարադատության նախարարը՝ հիմնվելով Հատուկ Քննչական ծառայության պետ Սասուն Խաչատրյանի հաղորդման վրա:

Ըստ միջնորդության՝ դատական նիստերից մեկի ժամանակ, ավելի հստակ՝ «5-րդ ալիք» հեռուստա-ընկերության սեփականատիրոջ խափանման միջոցի վերաբերյալ բողոքի քննության ժամանակ, դատավոր Ազարյանը քննիչին ասել է․ «հույս ունեմ, որ չեք իջնի ՀՔԾ պետի մակարդակին եւ գնահատկան տաք դատարանի որոշմանը»:

Բարձրագույն դատական խորհուրդը մինչեւ հուլիսի 9-ը պետք է որոշի նման ձեւակերպումը վիրավորանք է ՀՔԾ պետի հասցեին, թե՝ ոչ:

Հիշեցնենք, որ Ալեքսանդր Ազարյանի որոշմամբ է կալանքից ազատվել «5-րդ ալիք»-ի սեփականատերը, իսկ ավելի վաղ՝ 2018 թվականին, նաեւ Ռոբերտ Քոչարյանը՝ անձեռնմխելիության հիմքով:

Մանրամասները՝ Անահիտ Հովհաննիսյանի տեսանյութում։