կարևոր
1262 դիտում, 2 տարի առաջ - 2020-06-25 17:16

Լիբիան Եգիպտոսին կոչ է արել ռազմական աջակցություն ցուցաբերել Սիրտի վրա հարձակման դեպքում

Լիբիան Եգիպտոսին կոչ է արել ռազմական աջակցություն ցուցաբերել Սիրտի վրա հարձակման դեպքում

Լիբիայի Ներկայացուցիչների պալատի խոսնակ Ագիլա Սալահ Իսսան կոչ է արել Եգիպտոսին աջակցություն ցուցաբերել Սիրտ քաղաք Ազգային համաձայնության կառավարության ռազմական ներխուժման դեպքում. հայտնում է MENA գործակալությունը:

«Եգիպտոսի միջամտությունը օրինական կլինի, եթե ահաբեկիչները հատեն կարմիր գիծը», - նշում է խոսնակը:

Հայտարարության մեջ Ագիլա Սալահ Իսսան նշել է, որ Լիբիայի ժողովուրդը պաշտոնապես խնդրում է Եգիպտոսի իշխանություններին աջակցություն ցուցաբերել Լիբիայի և Եգիպտոսի ազգային անվտանգությունն ապահովելու համար:

Հիշեցնենք, որ Լիբիայում ներքին հակամարտությունը շարունակվում է 2011 թվականից: Ներկայումս պետությունը բաժանված է մի քանի պատերազմող խմբավորումների: ԼԱՀԿ-ին աջակցում են Թուրքիայի զինված ուժերը, իսկ Լիբիայի ազգային բանակին ՌԴ-ն, Ֆրանսիան, Եգիպտոսը և այլք։