կարևոր
1711 դիտում, 2 տարի առաջ - 2020-06-25 16:54

ԵՄ-ն վճռական է իր արտաքին սահմանները երրորդ երկրներից պաշտպանելու գործում. Ժոզեֆ Բորել

ԵՄ-ն վճռական է իր արտաքին սահմանները երրորդ երկրներից պաշտպանելու գործում. Ժոզեֆ Բորել

Եվրամիությունը վճռական է իր արտաքին սահմանները երրորդ երկրներից պաշտպանելու հարցում. այս մասին հայտարարություն է տարածել Եվրոպական հանձնաժողովի փոխնախագահ, ԵՄ արտաքին գործերի և անվտանգության քաղաքականության հարցերով Բարձր ներկայացուցիչ Ժոզեֆ Բորելը՝ հույն-թուրքական սահմանին Կաստանիես անցակետ այցի ընթացքում։ 

Նշվում է՝ Հունաստանի արտգործնախարար Նիկոս Դենդիասի հետ թուրք-հունական սահման այցելած Բորելը տեղում զննել է մարտից ի վեր փակ անցակետը։

ԵՄ բարձրաստիճան պաշտոնյան հայտարարել է՝ ԵՄ-ն ամբողջությամբ աջակցում է Հունաստանի ինքնիշխանությանը՝ անդրադառնալով թուրքական ռազմական ինքնաթիռների կողմից հույն-թուրքական օդային սահմանները, և Էգեյան ու Միջերկրական ծովերում  թուրքական ռազմանավերի կողմից 2 երկրների ծովային սահմանները խախտելու դեպքերին։

Միևնույն ժամանակ նա ասել է՝ Հունաստանի ու Թուրքիայի, ինչպես նաև ԵՄ-ի համար ձեռնտու է առկա դժվարությունները հետևում թողնելը, ինչին ի պատասխան Հունաստանի ԱԳ նախարարը հայտնել է, որ իրենք պատրաստ են Թուրքիայի հետ բանակցություններին, սակայն դրանք չեն կարող կայանալ օրենքի խախտումների ու սպառնալիքների ուղեկցությամբ։