կարևոր
736 դիտում, 1 տարի առաջ - 2020-06-25 16:18

Ազարյանին կարգապահական պատասխանատվության ենթարկելու հարցը բացառապես իրավական հիմք ունի. Ռուստամ Բադասյան

Ազարյանին կարգապահական պատասխանատվության ենթարկելու հարցը բացառապես իրավական հիմք ունի. Ռուստամ Բադասյան

Վերաքննիչ քրեական դատավոր Ալեքսանդր Ազարյանին կարգապահական պատասխանատվության ենթարկելու միջնորդությունը ունի բացառապես իրավական հիմք, և որևէ այլ դրդապատճառ չկա։ Բարձրագույն դատական խորհրդի նիստում ամփոփիչ ելույթում այս մասին ասաց Արդարադատության նախարար Ռուստամ Բադասյանը։

«Մենք թե´ պարոն Ազարյանի, թե´ ցանկացած այլ դատավորի կողմից արդարադատության իրականացումը և անկախության երաշխավորումը կասկածի տակ չենք դնում։ Բնականաբար, եթե կան այլ հանգամաքներ, դրանցով զբաղվում են այլ մարմիններ և այլ ընթացակարգերի շրջանակներում»,- ասել է Բադասյանը։ Նախարարը նշել է, որ Ազարյանը դրսևորել է անհարգալից և անբարեխիղճ վերաբերմունք դատավարության մասնակցի և վերջինիս վերադասի նկատմամբ, ինչպես նաև իր խոսքով կողմնակալության կամ խտրականության տպավորություն է ստեղծվել։

Ելույթով հանդես է եկել Ազարյանի փաստաբան Տիգրան Աթանեսյանը։ ԲԴԽ-ին պարզաբանումներ է տվել նաև դատավոր Ազարյանը:

Դատավոր Ազարյանին կարգապահական պատասխանատվության ենթարկելու միջնորդությամբ ԲԴԽ է դիմել Արդարադատության նախարարությունը՝ ՀՔԾ պետ Սասուն Խաչատրյանի դիմումի հիման վրա: Դիմումի առիթը «5-րդ ալիքի» սեփականատեր Արմեն Թավադյանի գործով դատավոր Ալեքսանդր Ազարյանի արած արտահայտությունն է Սասուն Խաչատրյանի վերաբերյալ:

Նիստի ընթացքում Ազարյանի պաշտպան Տիգրան Աթանեսյանը կմիջնորդի ԲԴԽ-ին՝ որպես վկա հրավիրել Սասուն Խաչատրյանին՝ մի շարք էական հանգամանքների շուրջ ցուցմունք տալու համար: