կարևոր
1204 դիտում, 2 տարի առաջ - 2020-06-25 14:18

ԱՄՆ-ում կորոնավիրուսի հետ կապված իրավիճակը կտրուկ սրվել է

ԱՄՆ-ում կորոնավիրուսի հետ կապված իրավիճակը կտրուկ սրվել է

ԱՄՆ-ում կրկին կտրուկ սրվել է կորոնավիրուսի հետ կապված իրավիճակը: Ջոն Հոփքինսի հետազոտական համալսարանի տվյալներով, վերջին մեկ օրում երկրում գրանցվել է վարակի 35 հազար 900 նոր դեպք: Գրեթե նույնքան, որքան գրանցվել էր ապրիլին համավարակի պիկի ժամանակ: Այս մասին հայտնում է «Deutsche Welle»-ն:

Հատկապես ծանր իրավիճակ է ստեղծվել ԱՄՆ-ի հարավում: Այդ իսկ պատճառով Նյու Յորք, Նյու Ջերսի և Կոնեկտիկուտ նահանգները մտցրել են կարանտին հարավային նահանգներից, այդ թվում՝ Ալաբամայից, Արկանզասից, Արիզոնայից, Ֆլորիդայից, Հարավային Կալորինայից, Տեխասից եկողների համար:

«Այդ շրջաններից եկողները, հատկապես այն հատվածներից, որոնք ավելի շատ են տուժել համավարակից, կարող են իրենց հետ վարակ բերել: Պետք է ճշմարտության աչքերին նայել: Հերքումը կյանքի ռազմավարություն չէ»,- ասել է Նյու Յորքի նահանգապետ Էնդրյու Կուոմոն: Եկածների կողմից կարանտինի ռեժիմը խախտելու համար նախատեսված է տուգանք 2 հազար դոլարի չափով: Կարանտինի պայմանները կրկնակի խախտելու դեպքում սահմանվել է 5 հազար ԱՄՆ դոլարի չափով տուգանք:

ԱՄՆ-ում վարկվածների թիվը հասել է 2,4 միլիոնի: Կորոնավիրուսով ամենաշատը տուժած երկրների ցանկում այն առաջինն է աշխարհում: Վերջին երկու շաբաթվա ընթացքում նահանգների կեսը գրանցում է իրավիճակի վատացում: Փորձագետները բացատրում են, որ դա կապված է սահմանափակումները հապշտապ հանելու հետ: