կարևոր
1180 դիտում, 2 տարի առաջ - 2020-06-25 12:54

Կառավարության կատարողականը միտված է եղել մեկ տարում լուծելու տարիներով բարձիթողի եղած խնդիրները

Կառավարության կատարողականը միտված է եղել մեկ տարում լուծելու տարիներով բարձիթողի եղած խնդիրները

Կառավարության 2019 թվականի կատարողականը միտված է եղել մեկ տարվա ընթացքում լուծելու տասնյակ տարիներով բարձիթողի արված, չլուծված, ինչպես նաև նաև ստեղծված խնդիրները: 2019 թվականին պետական բյուջեի կատարման տարեկան հաշվեվության քննարկմանը նման տեսակետ հայտնել է «Իմ քայլը» խմբակցության ղեկավար Լիլիթ Մակունցը:

«Կառավարության կատարողականը միտված է եղել մեկ տարվա ընթացքում լուծելու տասնյակ տարիներով բարձիթողի եղած, չլուծված և ստեղծված խնդիրները: Դրանք եղել են թե´ բանակի ոլորտում, թե´ ճանապարհաշինության ոլորտում, թե´ առողջապահության ոլորտում, թե´ սոցիալական ոլորտում, թե» Բաքվից գաղթած ընտանիքների, թե´ երկրաշարժից տուժած ընտանիքների խնդիրների լուծման ոլորտներում»,-ասել է Մակունցը:

Նրա կարծիքով՝ 2019-ի կառավարության կատարողականին լավագույն գնահատականը տվել է «Լուսավոր Հայաստան» խմբակցության ղեկավար Էդմոն Մարուքյանը՝ այն անվանելով ոսկե տարի:

Մակունցը նաև շնորհակալություն է հայտնել ընդդիմությանը՝ քննադատությունների և դիտարկումների համար՝ նշելով, որ դա իշխանությանը միայն օգնում է: