կարևոր
1110 դիտում, 1 տարի առաջ - 2020-06-24 19:29

Ապօրինի գույքի բռնագանձման գործերը լրացվելու են առաջին ատյանի դատավորների առանձին տեսակի գործերում

Ապօրինի գույքի բռնագանձման գործերը լրացվելու են առաջին ատյանի դատավորների առանձին տեսակի գործերում

Ազգային ժողովն առաջին ընթերցմամբ ընդունեց «Հայաստանի Հանրապետության դատական օրենսգիրք» սահմանադրական օրենքում լրացում կատարելու մասին» սահմանադրական օրենքում և կից ներկայացված օրենքների նախագծերում փոփոխություններ և լրացումներ կատարելու օրենսդրական փաթեթը: Կառավարության ներկայացրած փաթեթով նախատեսվում է առաջին ատյանի ընդհանուր իրավասության դատարանում դատավորների մասնագիտացման գործերի հետ մեկտեղ առանձին տեսակի գործերի շարքում լրացնել նաև ապօրինի ծագում ունեցող գույքի բռնագանձման վերաբերյալ գործերը:

Ներկայացված օրենքների նախագծով նախատեսվում է նաև «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում սահմանել «Ապօրինի ծագում ունեցող գույքի բռնագանձման մասին» օրենքով սահմանված գործառույթներ իրականացնող ստորաբաժանման ղեկավարի տեղակալի և ստորաբաժանման ավագ դատախազների պաշտոնային դրույքաչափերը:

Օրենսդրական փաթեթն ընդունվեց միաձայն՝ 90 «կողմ» ձայնով: