կարևոր
1139 դիտում, 2 տարի առաջ - 2020-06-24 16:55

Մոսկվայում կազմակերպված հանցավորության դեմ պայքարի ընթացքում ձերբակալվել է մոտ 30 մարդ

Մոսկվայում կազմակերպված հանցավորության դեմ պայքարի ընթացքում ձերբակալվել է մոտ 30 մարդ

Իրավապահ մարմինները Մոսկվայի հյուսիս-արևելքում գտնվող Ալտուֆևյան մայրուղում իրականացրել են կրիմինալ հեղինակությունների ձերբակալման գործողություն. մոտ 30 մարդ արդեն ձերբակալված է: Այս մասին հաղորդում է ՏԱՍՍ-ը։

«Իրավապահ մարմինները ստացել են տեղեկատվություն կովկասյան հանրապետությունների հանցավոր առաջնորդների հավաքի մասին Ալտուֆևյան մայրուղու սրճարանում: Դրանից հետո ոստիկանությունը և Դաշնային անվտանգության ծառայությունը ձերբակալել են մոտ 30 մարդու»,- հայտնել են իրավապահ մարմիններից՝ նշելով, որ ձերբակալվածների մեջ կան նաև զինվածներ։

Գործողությունների ընթացքում արձակվել են կրակոցներ, մեկ մարդ վիրավորվել է:

«Բոլոր ձերբակալվածները ստուգվելու են հետախուզվող անձանց տվյալների բազաներում, ինչպես նաև ստուգվելու է նրանց ներգրավվածությունը Մոսկվայի շրջանում կատարված հանցագործությունների մեջ»,- նշել է իրավապահ մարմինների զրուցակիցը։

Համաձայն զրուցակցի հայտնած տվյալների՝ ձերբակալվածների մոտ եղած զենքերը նույնպես կուսումնասիրվեն։