ուղիղ եթեր փակել
Այս պահին Երևանում
+27°
ощущаетվя как +26°C
քիչ ամպամածություն
3 մ/վ քամու ուժգնություն
4
05.08.2022
USD 406.14 +0.19
GBP 493.05 -1.23
EUR 415.64 +1.98
GEL 149.87 +0.49
RUB 6.71 -0.02

Վերջին ավելացված հաղորդումներ

Ամենադիտվածներ

կարևոր
1062 դիտում, 2 տարի առաջ - 2020-06-24 15:41

Մանե Թանդիլյանը դեմ է բնակարանների համար չհարկվող շեմը վերացնելուն

Մանե Թանդիլյանը դեմ է բնակարանների համար չհարկվող շեմը վերացնելուն

ՀՀ Ազգային ժողովի «Լուսավոր Հայաստան» խմբակցության պատգամավոր Մանե Թանդիլյանը դժգոհ է գույքային հարկի առաջարկվող փոփոխություններից, նա մասնավորապես դեմ է բնակարանների, բնակելի տների համար չհարկվող շեմը վերացնելուն: Պատգամավորը նման տեսակետ հայտնել է ԱԺ արտահերթ նիստում Հայաստանի Հանրապետության հարկային օրենսգրքում փոփոխություններ և լրացումներ կատարելու մասին օրենքի նախագծի քննարկման իր ելույթում:

Պատգամավորի կարծիքով՝ առաջարկվում են վատթարացնող նորմերով գույքահարկի դրույքներ: «Այս գույքահարկի փոփոխությունների հիմնական շահառուն Երևանի քաղաքապետարանն է, համայնքն է: Եվ անգամ Երևանի համայնքապետարանը դեռ կարծիք չի հասցրել տալ, չունեք»,-ասել է Թանդիլյանը:

Պատգամավորը նկատել է, որ նախագծով գույքահարկը կբարձրանա միջինը 3-4 անգամ: Մոտ 580 հազար նոր գույքային միավոր դառնալու է հարկատու: Անդրադառնալով Ֆինանսների փոխնախարար Արման Պողոսյանի խոսքին, թե հարկում են տեսանելի գույքը, Թանդիլյանը հարց բարձրացրեց՝ 3 մլն դրամով գու՞յքն է տեսանելի հարստություն: «200 մլն դրամից ավել արժեքով գույքը պետք է ավելի հարկվի, բայց դրա հաշվին պետք է անպայման սահմանվի չհարկվող շեմ՝ առնվազն մինչև 10 մլն դրամը»,-նշել է Թանդիլյանը:

Պատգամավորը նաև վստահ չէ, որ այդ 580 հազար գույք ունեցողները բոլորը եկամտային հարկ վճարող էին, և համահարթ եկամտային հարկի անցումից հետո իրենց հարկային բեռը նվազել է, և ունեն ավելի շատ եկամուտ, որ կարող են վճարել:

Հայաստանի Հանրապետության հարկային օրենսգրքում փոփոխություններ և լրացումներ կատարելու մասին օրենքի նախագծով առաջարկվում է կադաստրային արժեքների հիման վրա անշարժ գույքի գծով հարկային պարտավորությունների հաշվարկման համակարգից անցում կատարել շուկայական արժեքներին մոտարկված արժեքների հիման վրա անշարժ գույքի հարկի հաշվարկման համակարգին: Առաջարկվում է սահմանել գույքի հարկով հարկման բազայի  նոր սանդղակներ, իսկ որոշ գույքային միավորների համար՝ նաև նոր դրույքաչափեր, վերացնել բնակարանների և բնակելի տների մասով սահմանված չհարկվող շեմերը՝ բնակարանների մասով մինչև 10 մլն դրամ, բնակելի տների մասով մինչև 7 մլն դրամ գնահատված արժեք ունեցող գույքային միավորների համար սահմանելով  0.05 տոկոս հարկման դրույքաչափ:

բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS