կարևոր
1447 դիտում, 2 տարի առաջ - 2020-06-24 15:16

Բուլղարիան երկարաձգել է արտակարգ դրության ռեժիմի ժամկետը

Բուլղարիան երկարաձգել է արտակարգ դրության ռեժիմի ժամկետը

Բուլղարիայի կառավարությունը մինչև հուլիսի 15-ը երկարաձգել է արտակարգ դրության ռեժիմի ժամկետը կորոնավիրուսի տարածման պատճառով: Այս մասին հայտնել է երկրի Առողջապահության նախարարությունը, հաղորդում է РИА Новости-ն։

Նշվում է, որ արտակարգ դրության ռեժիմի ժամկետի երկարաձգումը չի նշանակում երկրում նոր սահմանափակումներ: Առայժմ ուժի մեջ կլինեն այն միջոցները, որոնք կիրառվում են հիմա:

Օրեր առաջ, երկրում կորոնավիրուսի հետ կապված իրավիճակի վատթարացմամբ պայմանավորված, իշխանությունները որոշեցին նորից մտցնել փակ տարածքներում դիմակներ կրելու պարտադիր պայմանը: Դրանից բացի, երկրում կարանտին է սահմանված այն մարդկանց համար, որոնք կոնկրետ երկրներից գալիս են Բուլղարիա:

Վերջին տվյալներով երկրում ընդհանուր առմամբ հաստատվել է կորոնավիրուսի 4 հազար 114 դեպք, մահացել է 208 մարդ: Ապաքինվել է 2 հազար 200 քաղաքացի: