կարևոր
3145 դիտում, 2 տարի առաջ - 2020-06-23 12:26

Հենց նոր զանգահարեցին ինձ և առանց ծանուցում ուղարկելու` իմ ծառայողական մեքենայի վարորդին հրավիրեցին Քանաքեռ-Զեյթունի քննչական բաժին. Զոհրաբյան

Հենց նոր զանգահարեցին ինձ և առանց ծանուցում ուղարկելու` իմ ծառայողական մեքենայի վարորդին հրավիրեցին Քանաքեռ-Զեյթունի քննչական բաժին. Զոհրաբյան

Չէ, սրանք այլևս դառնում են անկառավարելի: Հենց նոր զանգահարեցին ինձ ՝ որպես Մարդու իրավունքների պաշտպանության և հանրային հարցերի հանձնաժողովի նախագահի, և ինձ սպասարկող ծառայողական մեքենայի վարորդին հրավիրեցին Քանաքեռ-Զեյթունի քննչական բաժին՝ վարորդին ասելով, որ 15 րոպեի զրույց ունեն իր հետ և երկար չեն զբաղեցնի: Այս մասին ֆեյսբուքյան իր էջում գրել է ԱԺ ԲՀԿ խմբակցության պատգամավոր Նաիրա Զոհրաբյանը:

«Որևէ ծանուցում չի ուղարկվել վարորդին, ես վերցրի հեռախոսը և սույն քննիչին բացատրեցի իր օրինական պարտականությունները, որ վարորդը չի կարող ներկայանալ և չի ներկայանալու` առանց ծանուցման: Բնականաբար, ծանուցումը ստանալուց հետո փաստաբանի հետ կքննարկի և անհրաժեշտության դեպքում կներկայանա փաստաբանի հետ:

Ասեմ, որ անցնում եք բոլոր սահմանները, և ես ստիպված եմ լինելու շատ հետաքրքիր փակագծեր բացել»,-գրել է Նաիրա Զոհրաբյանը։