կարևոր
909 դիտում, 2 տարի առաջ - 2020-06-23 11:28

Համաշխարհային սպորտի ներկայացուցիչները տոնում են «Օլիմպիական օրը»

Համաշխարհային սպորտի ներկայացուցիչները տոնում են «Օլիմպիական օրը»

Համաշխարհային սպորտի ներկայացուցիչները, Օլիմպիական խաղերի սիրահարները տոնում են «Օլիմպիական օրը»:

«Օլիմպիական օրը» որպես Օլիմպիական խաղերի ծննդյան օր սկսեց նշվել 1948 թվականից: Այն նպատակ ուներ խթանելու մարզիկների մասնակցությունն այս կամ այն մարզաձևին` անկախ սեռից, տարիքից կամ մարզական կարողություններից:

Ժամանակակից Օլիմպիական խաղերը հիմնվել են 1896 թվականին ֆրանսիացի Պիեռ դե Կուբերտենի կողմից: Առաջին ժամանակակից Օլիմպիական խաղերը կայացել են Աթենքում նույն 1896 թվականին: Օլիմպիական խաղերի պատմության մեջ միայն համաշխարհային պատերազմների պատճառով են դրանք չեղարկվել երեք անգամ` 1916 թվականին Բեռլինում, 1940 թվականին՝ Տոկիոյում և 1944 թվականին՝ Լոնդոնում: Օլիմպիական խաղերն ամենաշատը հյուրընկալել է Լոնդոնը (1908, 1948, 2012):