կարևոր
1776 դիտում, 2 տարի առաջ - 2020-06-23 00:08

Միայն տղաների ճիշտ հաշվարկների և պատրաստվածության շնորհիվ է, որ կրակը չհասավ կառույցին և հարակից պահեստներին․ «Հայֆիլմ» կինոստուդիա ՓԲ ընկերության տնօրեն

Համո Բեկնազարյանի անվան «Հայֆիլմ» կինոստուդիային պատկանող տարածքում մոտ մեկ ժամ է, ինչ անհայտ հանգամանքներում հրդեհ էր բռնկվել:Արտակարգ իրավիճակների նախարարության հրշեջ-փրկարարական ծառայության քաջ տղաների շնորհիվ միայն հաջողվեց մարել ահագնացող ծավալների հասնող կրակը: Տեղեկությունը հաղորդում է «Հայֆիլմ» կինոստուդիա ՓԲ ընկերության տնօրեն Դավիթ Կարապետյանը, նշելով, որ փրկարարների ճիշտ հաշվարկների և պատրաստվածության շնորհիվ է, որ կրակը չի հասել կառույցին և հարակից պահեստներին, որն անդառնալի կորստի կհանգեցներ:

«Որպես «Հայֆիլմ» կինոստուդիա ՓԲ ընկերության տնօրեն, որպես ՀՀ քաղաքացի, որպես մարդ իմ խորին շնորհակալությունն եմ հայտնում Ձեզ տղանե՛ր:
Դուք արեցիք անհնարինը, կրակի հետ կռիվ տալով և ձեր կյանքը վտանգելով:

Շնորհակալ ենք և խոնարհվում ենք Ձեր առաջ»,-գրել է նա: