կարևոր
1663 դիտում, 2 տարի առաջ - 2020-06-22 14:10

Վենետիկի հանձնաժողովը չի կարող որևէ երկրի իշխանության համար հարմար տարբերակ մատուցել. Ռուստամ Բադասյան

Վենետիկի հանձնաժողովը չի կարող որևէ երկրի իշխանության համար հարմար տարբերակ մատուցել. Ռուստամ Բադասյան

Արդարադատության նախարար Ռուստամ Բադասյանը Սահմանադրական դատարանի վերաբերյալ իշխանությունների հարցադրումներին Վենետիկի հանձնաժողովի պատասխանը բավական բալանսավորված է համարում: Այս մասին Բադասյանն ասաց Ազգային ժողովում ի պատասխան խորհրդարանի փոխխոսնակ Ալեն Սիմոնյանի այն դիտարկմանը, թե ընդդիմադիր որոշ գործիչներ նշում են, որ Վենետիկի հանձնաժողովը իրավունքը ծառայեցրել է Հայաստանի իշխանություններին քաղաքական նպատակներին:

«Վենետիկի հանձնաժողովի կարծիքը բավական բալանսավորված է, հիմնված է իրավունքի ընդհանուր սկզբունքների վրա: Վենետիկի հանձաժողովի նման հեղինակավոր կառույցը չի կարող որևէ կերպ ու որևէ դեպքում իր հեղինակությունն ու իրավունքի սկզբունքները մի կողմ դնել և որևէ երկրի ու որևէ իշխանության համար հարմար տարբերակ մատուցել»,- ասաց Բադասյանը: