կարևոր
1567 դիտում, 2 տարի առաջ - 2020-06-20 14:56

Արցախի նախագահ Արայիկ Հարությունյանը Երևանից վերադառնալիս կորոնավիրուսի թեստ է հանձնել

Արցախի Հանրապետության նախագահ Արայիկ Հարությունյանը Երևանից վերադառնալիս կորոնավիրուսի թեստ է հանձնել։ Այս մասին նա հայտնել է իր ֆեյսբուքյան էջում:

«Երևանից վերադառնալիս քիչ առաջ «Խարխափուտ» սահմանային հսկիչ կետում, ինչպես կարգն է, ես էլ հանձնեցի Covid-19-ի արագ թեսթ, և արդյունքը բացասական էր:

Սա կարևոր կարգ է Covid-19-ի տարածումը հնարավորինս կանխարգելելու գործում, և ՀՀ-ից Արցախ մուտք գործող ոչ մի անձ չպետք է շրջանցի այս միջոցառումը»,- ասված է գրառման մեջ: