կարևոր
1427 դիտում, 2 տարի առաջ - 2020-06-20 15:07

Ուսումնասիրության համաձայն՝ կորոնավիրուսն Իտալիայում եղել է դեռ դեկտեմբերին

Ուսումնասիրության համաձայն՝ կորոնավիրուսն Իտալիայում եղել է դեռ դեկտեմբերին

Իտալացի գիտականներն ասում են, որ երկու քաղաքների կեղտաջրերը  կորոնավիրուսի հետքեր են պարունակել դեռ դեկտեմբերին՝ երկրում առաջին դեպքի հաստատումից շատ առաջ: Այս մասին տեղեկացնում է BBC-ն:

Առողջապահության ազգային ինստիտուտն ասել է, որ դեկտեմբերի 18-ին Միլանի և Թուրինի ջրերում եղել են վիրուսի հետքեր, մինչդեռ Իտալիայում առաջին դեպքը պաշտոնապես գրանցվել էր փետրվարի կեսին:

Սա գալիս է ի լրումն այլ երկրների ապացույցների, որ վիրուսը կարող էր ավելի շուտ շրջանառված լինել, քան համարվում է:

Չինաստանի պաշտոնյաները հաստատել են, որ առաջին դեպքերը գրանցվել են դեկտեմբերի վերջին: Մայիսին ֆրանսիացի գիտնականները նշել էին, որ նմուշների թեստերը ցույց են տվել, որ դեկտեմբերի 27-ին Փարիզի մերձակայքում կասկածվող թոքաբորբով բուժվող հիվանդը իրականում ունեցել է կորոնավիրուս: