Ինձ ճնշելու և լռեցնելու փորձերն անհույս են և անբարո․ Աշոտյանին կրկին կանչել են հարցաքննության

ՀՀԿ փոխնախագահ Արմեն Աշոտյանին այսօր կանչել են հարցաքննության։

«Ավարտվեց անհեթեթ առիթով ինձ մեղադրանք առաջադրելու հարցով հերթական հարցաքննությունը։

Շուրջ երկու տարի տևող այս գործընթացը բացառապես քաղաքական է ու անհիմն (օպերացիայի շրջանակներում ՔԿ-ՀՔԾ պինգ-պոնգը վկա)։

Անհույս է հասկացնել այս իշխանություններին, որ ինձ ճնշելու և լռեցնելու փորձերն իրենց հիվանդագին և հոգեկան տվայտանքների շրջանակներում անհույս են և անբարո։

Կյանքը շարունակվելու է, իսկ ձեր իշխանությունը՝ ոչ, քանզի ժամանակին «ժողովրդի սրտի վարչապետ» հռչակված անձը դարձել է «երկրի լեղապարկի քար»։

Հարգելի հայրենակիցներ, շնորհակալ եմ բոլորիդ համերաշխության, հավատի և սատարման համար», - ֆեյսբուքյան իր էջում գրել է Աշոտյանը։