կարևոր
1508 դիտում, 1 տարի առաջ - 2020-06-18 17:01

Խոսրովի անտառ պետական արգելոցում ծուխ է նկատվել․ փրկարարները դեպքի վայրում են (ՏԵՍԱՆՅՈւԹ)

Ճգնաժամային կառավարման ազգային կենտրոն հունիսի 18-ին` ժամը 14:41-ին տեղեկություն է ստացվել, որ Խոսրովի անտառ պետական արգելոցի առաջին անցակետից դեպի «Քյոսոս» տանող հատվածից ծուխ է նկատվում։  Այս մասին հայտնում են ՀՀ ԱԻՆ տեղեկատվության և հասարակայնության հետ կապերի վարչությունից։

Դեպքի վայր է մեկնել ԱԻՆ ՓԾ Արարատի մարզային փրկարարական վարչության հրշեջ-փրկարարական ջոկատներից հինգ մարտական հաշվարկ։

Տեղազննման աշխատանքների իրականացման նպատակով օդ է բարձրացվել անօդաչու թռչող սարք, դեպքի վայր է մեկնել նաև ուղաթիռ։

Էկո-Մեդիա ցանցի համահիմնադիր, լրագրող Նարինե Կիրակոսյանն էլ հրդեհի մասին գրառում է կատարել՝ մանրամասներ ներկայացնելով և կից լուսանկարներ ու տեսանյութ հրապարակելով։

Դեպքի վայրում են գտնվում ընդհանուր թվով 40 հրշեջ-փրկարար։