կարևոր
1624 դիտում, 2 տարի առաջ - 2020-06-17 19:19

Գագիկ Ծառուկյանը չի կարող կալանավորվել որևէ դեպքում. Տիգրան Աթանեսյան

ԲՀԿ առաջնորդ Գագիկ Ծառուկյանը չի կարող կալանավորվել որեւէ դեպքում։ Այս մասին ֆեյսբուքյան իր էջում գրել է փաստաբան Տիգրան Աթանեսյանը։

«Ի դեպ, որպես իրավաբան ու քաղաքացի, ասեմ, որ Գագիկ Ծառուկյանը չի կարող կալանավորվել որեւէ դեպքում: ՀՀ քրեական օրենսգրքի 154.2 հոդվածով, որով մեղադրանք է առաջադրվել, նախաքննությունը կատարվում է բացառապես Հատուկ քննչական ծառայության կողմից, իսկ այս դեպքում մեղադրանքի որոշումը կայացրել է եւ կալանավորելու միջնորդությունը դատարան ներկայացրել է ԱԱԾ քննիչը: Այսինքն՝ բոլոր քննչական գործողությունների արձանագրությունները, բոլոր ենթադրյալ ապացույցները եւ դատավարական որոշումները ապօրինի են եւ չեն կարող օգտագործվել Գ.Ծառուկյանի դեմ (տես ՀՀ քր.դատ.օր-ի 190 հոդվածի 6 եւ 10 մասերը եւ 105 հոդվածի 1-ին մասի 3-րդ կետը)»,-գրել է նա: