կարևոր
1252 դիտում, 2 տարի առաջ - 2020-06-17 17:35

Դեսպան Մկրտչյանը հանդիպում է ունեցել Լիտվայի առողջապահության նախարարի հետ

Դեսպան Մկրտչյանը հանդիպում է ունեցել Լիտվայի առողջապահության նախարարի հետ

Լիտվայում ՀՀ դեսպան Տիգրան Մկրտչյանը hունիսի 17-ին հանդիպել է Լիտվայի առողջապահության նախարար Աուրելիյուս Վերիգայի հետ։ Այս մասին հայտնում են Լիտվայում, Լատվիայում և Էստոնիայում ՀՀ դեսպանությունից։

Հանդիպման ընթացքում դեսպան Մկրտչյանը շնորհակալություն է հայտնել Հայաստան բուժանձնակազմ և խիստ անհրաժեշտ բժշկական պարագաներ ուղարկելու Լիտվայի կառավարության որոշման կապակցությամբ՝ նշելով, որ այս օգնությունն իր նպաստը կբերի համավարակի հետևանքների մեղմման և կայունացման հարցում։

Նախարար Վերիգան դեսպան Մկրտչյանին ներկայացրել է առաքելության նախապատրաստական աշխատանքների ընթացքը և նշել, որ Լիտվան համավարակի հաղթահարումից հետո էլ պատրաստ է շարունակել հաստատված սերտ համագործակցությունը Հայաստանի հետ բժշկության ոլորտում և կիսվել իր լավագույն փորձով։