կարևոր
1265 դիտում, 2 տարի առաջ - 2020-06-17 13:00

ԲՀԿ-ն ցանկանում է կորոնավիրուսի կանխարգելման աշխատանքներն ուսումնասիրող քննիչ հանձնաժողով ստեղծել

ԲՀԿ-ն ցանկանում է կորոնավիրուսի կանխարգելման աշխատանքներն ուսումնասիրող քննիչ հանձնաժողով ստեղծել

Ազգային ժողովի «Բարգավաճ Հայաստան» խմբակցությունը ցանկանում է Հայաստանում կորոնավիրուսի կանխարգելման, հետևանքների վերացման աշխատանքների կազմակերպման հանգամանքներն ուսումնասիրող ԱԺ քննիչ հանձնաժողով ստեղծել:

Հունիսի 17-ին խորհրդարանում այս մասին լրագրողներին ասաց խմբակցության անդամ, ԱԺ փոխխոսնակ Վահե Էնֆիաջյանը:

«Ազգային ժողովի «Բարգավաճ Հայաստան» խմբակցությունը նախաձեռնելու է ձևավորել քննիչ հանձնաժողով, որպեսզի այս ոլորտի պատախանատուները գան պատասխանատվության, ներկայացնեն իրական վիճակագրական տվյալները»,- ասաց Էնֆիաջյանը:

Խորհրդարանի փոխնախագահը նշեց, որ 10 օր առաջ «Բարգավաճ Հայաստանը» գրավոր դիմում է ներկայացրել պարետատուն, որպեսզի պարզի, թե ինչ գործունեություն է ծավալել պարետատունը, ինչ միջոցառումներ է իրականացրել, ինչպիսի կապ է հաստատել միջազգային կազմակերպությունների հետ, միջազգային դոնոր կազմակերպությունների կողմից հատկացված ֆինանսական միջոցներն ինչ նպատակի են ծառայեցվել: