կարևոր
1828 դիտում, 2 տարի առաջ - 2020-06-17 12:28

Գագիկ Ծառուկյանի խափանման միջոցի քննությունը տեղի կունենա այսօր` հունիսի 17-ին

Գագիկ Ծառուկյանի խափանման միջոցի քննությունը տեղի կունենա այսօր` հունիսի 17-ին

«Բարգավաճ Հայաստան» կուսակցության և Ազգային ժողովի համանուն խմբակցության ղեկավար Գագիկ Ծառուկյանի խափանման միջոցի հարցի քննությունը տեղի կունենա հունիսի 17-ին, ժամը 19:00-ին:

Այս մասին Ազգային ժողովում լրագրողների հետ զրույցում ասաց «Բարգավաճ Հայաստան» խմբակցության անդամ Իվետա Տոնոյանը:

«Դատական նիստը տեղի է ունենալու այսօր երեկոյան, ժամը 19:00-ին, Շենգավիթի դատարանում»,- ասաց Տոնոյանը:

Հարցին՝ եթե կալանքի որոշում կայացվի, ի՞նչ է պատրաստվում անել կուսակցությունը, Տոնոյանը նշեց, որ ԲՀԿ-ն շարունակելու է աշխատել նույն արդյունավետությամբ և սահմանված ծրագրով։

«Խմբակցության ղեկավարի փոփոխության հարց չի քննարկվում, բոլոր քաղաքական որոշումները քննարկվելու են քաղաքական թիմի կոնսենսուսի պայմաններում»,-ասաց նա: