կարևոր
1702 դիտում, 2 տարի առաջ - 2020-06-16 20:35

 Նախնական տեղեկություն ունենք, որ քիչ անց Գագիկ Ծառուկյանը պետք է դուրս գա ԱԱԾ-ից. Վահե Էնֆիաջյան

 Նախնական տեղեկություն ունենք, որ քիչ անց Գագիկ Ծառուկյանը պետք է դուրս գա ԱԱԾ-ից. Վահե Էնֆիաջյան

Մենք նախնական տեղեկություն ունենք, որ քիչ անց Գագիկ Ծառուկյանը պետք է դուրս գա: Հիմա կսպասենք հետագա զարգացումներին: Այս մասին ԱԱԾ-ի մոտ, որտեղ հարցաքննվում է ԲՀԿ նախագահ Գագիկ Ծառուկյանը, լրագրողների հետ զրույցում ասել է «Բարգավաճ Հայաստան» խմբակցության պատգամավոր Վահե Էնֆիաջյանը: Լուրը հաղորդում է tert.am-ը։ 

Նա նշել է, թե այս պահին Ծառուկյանի հարցաքննության ընթացքի մասին մանրամասների չեն տիրապետում:

Հարցին՝ այսինքն՝ Ծառուկյանը չի՞ ձերբակալվելու, Էնֆիաջյանն արձագանքել է, թե նախնական տեղեկություններ ունեն, որ նա դուրս կգա:

Էնֆիաջյանը հայտնել է նաև, թե այսօր էլ Ծառուկյանի ու ԲՀԿ աջակիցներին բերման են ենթարկել ոստիկանություն.

«Այսօր էլ Երևանի ոստիկանության բաժանմունքում տեղ չի եղել, սկսել են Էջմիածնի, Մասիսի, Արարատի բաժանմունքներ տեղափոխել մարդկանց: Ընդ որում, դրանից հետո էլ եղավ մի ժամանակահատված, որ այնտեղ էլ տեղ չէր մնացել, և մարդկանց պարզապես հեռացնում էին տարածքից և բաց էին թողնում»,-հայտարարել է Էնֆիաջյանը:

 Ինչ վերաբերում է հարցին՝ իրենք շարունակու՞մ են պահանջել Կառավարության և վարչապետ Նիկոլ Փաշինյանի հրաժարականը, ԱԺ փոխխոսնակը պատասխանել է, թե իրենց համոզմունքն ու մոտեցումները չեն փոխվել. «Եթե ոլորտներում կան ձախողումներ, արդյունքներ չկան, այդ ոլորտի պատասխանատուների հետ ի՞նչ կերպ են վարվում»,-ասաց նա՝ նշելով, թե շարունակում են հրաժարական պահանջել:

Էնֆիաջյանը հայտնել է, թե տարբեր քաղաքական ուժերի, անհատների, ՀԿ-ների հետ, որոնք իրենց մտահոգությունն են հայտնում՝ այս իրավիճակի հետ կապված, կայանալու են հանդիպումներ: