ԲՀԿ առաջնորդ Գագիկ Ծառուկյանի կողմնակիցները Երևանի տարբեր հատվածներում փողոցներ են փակում։ Լուրը հաղորդում է aysor.am-ը։ Ըստ լրատվականի՝ «Մուլտի» տաքսի ծառայության աշխատակիցները փակել են «Դալմա մոլ» առևտրի կենտրոնի հարակից փողոցը։ Աբովյան-Երևան մայրուղին էլ փակ է բեռնատար ավտոմեքենաներով։
Հիշեցնենք՝ խորհրդարանում քննարկվում է «Բարգավաճ Հայաստան» խմբակցության ղեկավար Գագիկ Ծառուկյանին պատգամավորական անեռնմխելիությունից զրկելու հարցը։Քաղաքացիները բողոքի ակցիա են իրականացնում ԱԺ հարակից տարածքներում։ Կան մի քանի տասնյակ բերման ենթարկվածներ։