կարևոր
1053 դիտում, 1 տարի առաջ - 2020-06-16 09:55

Նաիրա Զոհրաբյանի աշխատասենյակը հենց հիմա խուզարկելու մտադրությունն իրավաչափ չէ. Ռուբեն Մելիքյան

Ամեն ինչից զատ՝ պատգամավոր Նաիրա Զոհրաբյանի ԱԺ աշխատասենյակը հենց այսօր, հենց հիմա խուզարկելու մտադրությունը, կարծում եմ, իրավաչափ չէ: Այս մասին Facebook-ի իր էջում գրել է «Իրավական ուղի» ՀԿ համահիմնադիր Ռուբեն Մելիքյանը:

«Այն պատճառով, որ պատգամավորին կանգնեցնում է անթույլատրելի երկընտրանքի առջև. մասնակցել ԱԺ նիստի՞ն (գիտեք, թե ինչ հարց է քննարկվում), թե՞ օգտվել իր իրավունքից՝ մասնակցելու սեփական աշխատասենյակի խուզարկությանը:

ՈւՂՂՈՒՄ. Պարզվեց՝ խոսքը վերաբերում է ԿՈՒՍԱԿՑԱԿԱՆ գրասենյակում գտնվող աշխատասենյակին։ Սակայն դրանից հարցի էությունը չի փոխվում»,-ընդգծել է նա։