կարևոր
1252 դիտում, 2 տարի առաջ - 2020-06-15 10:07

Վրաստանում վերականգնվեց երկաթուղային տրանսպորտի գործունեությունը

Վրաստանում վերականգնվեց երկաթուղային տրանսպորտի գործունեությունը

Այսօրվանից՝ ներքին տուրիզմի բացմանը զուգահեռ, Վրաստանում վերականգնվում է երկաթուղային տրանսպորտի գործունեությունը, որը դադարեցվել էր մարտի վերջերից կորոնավիրուսի տարածման կանխարգելման նպատակով: Այս մասին տեղեկացնում է Aliq.ge-ն։

Առաջին գնացքն այսօր՝ առավոտյան ժամը 08:00-ին, արդեն մեկնել է Թբիլիսի-Բաթումի ուղղությամբ: Գնացք մուտք գործելուց առաջ ուղևորները թերմոսկրինինգ են անցնում, իսկ վագոն մուտք գործելուց հետո ձեռքերը պարտադիր պետք է մշակեն ախտահանիչ լուծույթով:

Գնացք մուտք գործել չի թույլատրվում առանց դիմակի, որն արգելվում է հանել մինչև ուղևորության ավարտը: Եվս մեկ պարտադիր կարգ է ուղևորության ընթացքում հեռավորության պահպանումը: