կարևոր
999 դիտում, 1 տարի առաջ - 2020-06-14 20:03

Ողբերգական ավտովթար Կոտայքի մարզում. Opel-ը մի քանի պտույտ շրջվելով՝ հայտնվել է ձորում. կան զոհեր ու վիրավորներ 

Ողբերգական ավտովթար Կոտայքի մարզում. Opel-ը մի քանի պտույտ շրջվելով՝ հայտնվել է ձորում. կան զոհեր ու վիրավորներ 

Հունիսի 14-ին՝ ժամը 02:00-ի սահմաններում, խոշոր ու ողբերգական ավտովթար է տեղի ունեցել Կոտայքի մարզում: Տավուշի մարզի բակիչ, 59-ամյա Սամվել Առաքելյանը իր վարած Opel մակնիշի ավտոմեքենայով Երևան-Գառնի ավտոճանապարհի Գառնի գյուղի վերջնամասում, դեռևս անհայտ հանգամանքներում, դուրս է եկել հանդիպակաց երթևեկելի գոտի, բախվել հողաթմբին և մի քանի պտույտ շրջվելով՝ հայտնվել ձորակում:

Ինչպես հաղորդում է SHAMSHYAN.com կայքը՝ վթարի հետևանքով ուղևոր, Անահիտ Դանիելյանը տեղում մահացել է, իսկ վարորդ Ս. Առաքելյանը, մյուս ուղևորներ, Երևանի բնակիչներ, 63-ամյա Անդրանիկ Մարկոսյանը, 53-ամյա Անահիտ Առաքելյանը և 47-ամյա Արտակ Մարտոյանը ծայրահեղ ծանր ախտորոշմամբ տեղափոխվել են «Էրեբունի» բժշկական կենտրոն:

 Ժամեր անց հիվանդանոցից ահազանգ է ստացվել, որ վիրավորներից Ա. Մարտոյանը գիտակցության չգալով՝ մահացել է:

Փաստի առթիվ հարուցվել է քրեական գործ: